Jondal båthamn har hatt eit aktivt år også i 2009 med utskifting av defekt mur og delvis oppfylling av landområdet, utarbeiding av planar og utarbeiding av søknader.

Styret er vel nøgde med det nye anlegget, og me har så godt som berre fått positive attendemeldingar både frå eigarane, brukarane av gjestehamna og andre etter at anlegget var ferdig utlagt.

Rekneskapen er ført av kasserar Per Eikeland i samsvar med kontoutskriftene frå SpareBanken 1 Hardanger.

Då det var merknader til mangelfull oppstilling av resultat og balanse i 2008 rekneskapen, er dette på plass no. Styret har og kjøpt inn daTax  Foreiningsøkonomi som er eit komplett medlems- og rekneskapssystem for foreiningar. Dette vil bli tatt i bruk i 2010.

Rekneskapen er revidert av revisor Ola Kåre Espedal og Birgitte Hokkerup.

Styret sitt framlegg til vedtak:

Årsmøtet godkjenner den reviderte  rekneskapen for 2009.

Revidert regnskap ble gjennomgått med div. merknader. Regnskapet ble ikke godkjent. Else Borgen setter opp regnskapet på nytt og styret får årsmøtets fullmakt til å kunne godkjenne dette. Hvis noe ureglementert avdekkes, må styret innkalle til ekstraordinært årsmøte.

Sak 6/2010 Innføring av ”dugnadsavgift”

Ein del av båtlaget sine medlemmer har alt lagt ned mange dugnadstimar både i samband med utlegginga av dei nye bryggjene og elles førefallande arbeid. Dugnadstimane har ein verdi på kr 50,- per time og summen vert trekt frå på årsavgifta til dei som utfører dugnad.

For å fordela belastninga litt jamnare på samtlege medlemmer, vil styret tilrå at det vert innført ei ”dugnadsavgift” på kr 500,- per medlem per år. Denne avgifta tilsvarar 10 timar dugnad og vert innbetalt saman med årsavgifta. Dei medlemmene som har høve til å utføra dugnad, får trekt frå årsavgifta + ”dugnadsavgifta” ein sum som tilsvarar talet på dugnadstimar x kr 50,-. Ved opparbeiding av fleire timar enn det som skal til for å få redusert innbetalinga til 0, vert desse overførte til nest år.

Styret sitt framlegg til vedtak:

Overnevnte ble enstemmig vedtatt, med følgende kommentar. Dugnad skal organiseres slik at alle vil få mulighet til å delta. Styret får i oppdrag å velge en leder for dugnadsarbeidet.

Sak 7/2010 Utbygging av og på landområdet til Jondal båthamn

Meir informasjon etter saka frå i fjor.

Sak 12 /2009 Utbygging av og på landområdet til Jondal båthamn

Styret har arbeidd med å få fram planar for landområdet og har engasjert Prosjekt Konsult Kvinnherad AS i dette arbeidet. Jondal kommunestyre stilte krav om at båthamna skulle nytta landskapsarkitekt i dette arbeidet. Dette firmaet har landskapsarkitekt.

Det er no utarbeidd planar for:

·        Eit hamnebygg på om lag 75 m² grunnflate. Serviceanlegg for gjestebryggja med toalett, dusj, vaskerom for tøy og fellesrom på grunnplanet og hamnesjefskontor, lager m.m i andre høgda.

·        Båtoppdrag med nødvendige steinmurar.

·        Resten av kaifronten i treverk

·        Oppfylling av landområdet og omlegging av vegen

Skisse av bygget vil bli presentert på årsmøtet.

  Kostnadsoverslag:

Totalt                                                                                           kr 4.100.000,-

Finansiering:

• Innskot frå eigarane kr 2.000,- per bryggjemeter                     kr    690.000,-
• Dugnad 2000 t a kr 300,-                                                       kr    600.000,-
• Tilskot frå lokalt næringsliv                                                      kr    400.000,-
• Tilskot frå Jondal kommune                                                    kr 1.600.000,-
• Lån                                                                                        kr    810.000,-

Totalt                                                                                           kr 4.100.000,-

Dette er eit svært stort løft for båthamna både økonomisk og arbeidsmessig. Styret såg helst at serviceanlegget for gjestebryggja vart ferdig til sommarsesongen, men med årsmøte i mars er dette ikkje realistisk. Dersom årsmøtet sluttar seg til planane, bør 2009 nyttast til å få på plass finansieringa og i beste fall få på plass båtoppdraget og kaifronten.

Årsmøtet må og ta stilling til om eigarane skal ta del i finansieringa med kr 2.000,- per eigande bryggjemeter etter at dei i 2008 brukte vesentlege midlar til kjøp av plass. Motivasjonen for å gjera dette er at verdien av båthamna aukar vesentleg og dermed verdien av båtplassen. Styret vil tilrå at eigarane tek del i finansieringa med kr 2.000,- per bryggjemeter og at prisen/verdien av båtplassen vert auka med det doble dvs. kr 4.000,- per m frå 2009.

Styret sitt framlegg til vedtak:

1. Årsmøtet godkjenner dei framlagde planane for vidare utbygging av båthamna
2. Årsmøtet godkjenner at eigarane betalar inn kr 2.000,- per bryggjemeter som del av utbyggingskostnadene saman med årsavgifta for 2009. Verdien av båtplassane vert samstundes auka med kr 4.000,- per bryggjemeter.
3. Årsmøtet godkjenner kostnadsoverslag og finansieringsplan.
4. Styret får fullmakt til å starta opp arbeidet med båtoppdraget og kaifronten i 2009 innanfor oppsett kostnadsramme.
5. Hamnebygget vert starta opp som neste prosjekt med serviceanlegget ferdig til sesongen 2010 som målsetjing. 

På årsmøtet i 2009 vart det gjort fylgjande vedtak:

Etter gjennomgang av styrets arbeid med videre planer for landområde, ble avstemning over styrets forslag som følger:

1. Årsmøtet godkjennte at de framlagte planer for videre utbygging av båthamna blir arbeidet videre med av styret. - Enstemmig vedtatt.

2. lnnbetaling av kr. 2000.- pr. bryggemeter o.s.v.- Utsettes. - Enstemmig vedtatt.

3. Årsmøet godkjenner kostn.overslag og finansieringsplan. Forslaget trekkes.

4. Styret  får fulmakt til starte opp med båtoppdrag og kaifront innenfor oppsatt kostnadsramme. - Enstemmig vedtatt

Forslag om utsettelse av oppstart til finansieringsplan og løyve er innhentet falt etter avstemning, mot 3 stemmer

5. Hamnebygget, oppstart av prosjekt - Styets forslag falt etter avstemning. Det var enstemmig vedtak om at dette prosjektet utsettes

Til årsmøtet 2010.

Planane for utbygginga av landområdet og hamnehuset er utlagt på båthamna si heimeside under sida: Utbyggingsplanar. http://www.jondalbaathamn.com/

Styret har med utgangspunkt i vedtaket på årsmøtet, engasjert GBS Entreprenør til å laga ny murt kaifront (den gamle muren heldt på å rasa ut) og tilrettelagt for båtoppdraget i tillegg til å fylla opp området noko. Kostnad om lag kr 350.000,-. Arbeidet med trefronten på resten av kaien er utsett i påvente av kommunal godkjenning. Søknad er innsendt.

Årsmøtet i 2009 auka verdien av båtplassane med over kr 2.000,- til kr 20.000,- per bryggjemeter utan at det gjekk inn for innbetaling av kontantinnskot til utbygginga av landområdet. Styre vil på nytt tilrå at det i 2010  vert innbetalt eit kontantinnskot til utbygginga på kr 1.000,- per bryggjemeter i 2010, 2011 og 2012 samstundes som verdien av båtplassane vert auka med kr 2.000,- til kr 22.000,- justert med konsumprisindeksen med utgangspunkt 01.01.2010.

Styret har justert kostnadsoverslaget og finansieringa litt i samsvar med ein endra framdriftsplan:
Kostnadsoverslag:

• Båtoppdrag med nødvendige steinmurar                                  kr    500.000,-
• Resten av kaifronten                                                               kr    300.000,-
• Oppfylling av landområdet og omlegging av vegen                   kr 1.000.000,-
• For tett bygg med ferdiggjering av serviceanlegget                   kr 1.100.000,- 
• Ferdiggjering av hamnebygget                                     kr 1.100.000,-
• Uføresett + innviingsfest                                                          kr    100.000,-

Totalt                                                                                           kr 4.100.000,-

Finansiering:

• Innskot frå eigarane kr 3.000,- per bryggjemeter                     kr 1.047.000,-
• Dugnad 1700 t a kr 300,-                                                       kr    510.000,-
• Tilskot frå lokalt næringsliv                                                      kr    643.000,-
• Tilskot frå Jondal kommune                                                    kr    900.000,-
• Lån                                                                                        kr 1.000.000,-

Totalt                                                                                           kr 4.100.000,-

Styret har sendt søknader til dei fleste bedriftene i kommunen og har ein god dialog med kommunen om å ta del i finansieringa med eit vesentleg tilskot. Samtlege får høve til å dela tilskotet over 3 år.

Den nye Jondal båthamn vil etter styret sitt syn bli eit ”smykke” i Jondal sentrum til glede for fastbuande og tilreisande. Gjestebryggja og  serviceanlegget er eit tilbod som medlemene i båthamna ikkje har spesiell nytte av. Styret meiner difor at kommunen og næringslivet som kan få inntekter frå båtturistane må ta storparten av kostnadene med den delen.

Eit enkelt overslag vil visa dette:

Verdien av 75 m  gjestebryggje (kr 20.000,- x 75),                                         kr 1.500.000,-

Kostnad med servicedelen på land, om lag                                                      kr 1.000.000,-

Oppgraderingsefekten av området som ålmenta har glede av, om lag   kr    500.000,-

Totalt                                                                                                             kr 2.500.000,- 

Styret har rekna med eit tilskot frå kommunen og næringslivet på kr 1.500.000,- over 3 år for at kommunen skal få eit kvalitetsmessig godt båthamntilbod med gjestehamn og 112  båtplassar til ein kostnad på om lag kr 10.000.000,-. Drifta av gjestehamna er båthamna sitt ansvar. Dei årlege inntektene på gjestebryggja har vore om lag kr 20.000,-.

Styret sitt framlegg til vedtak:

1. Årsmøtet godkjenner dei framlagde planane for vidare utbygging av båthamna. -Enstemmig vedtatt.
2. Årsmøtet godkjenner at eigarane betalar inn kr 1.000,- per bryggjemeter som del av utbyggingskostnadene saman med årsavgifta for 2010, 2011 og 2012. Verdien av båtplassane vert auka til kr 22.000,- per bryggjemeter og juster med konsumprisindeksen per 01.01.2010. - Enstemmig vedtatt.
3. Årsmøtet godkjenner kostnadsoverslag og finansieringsplan. -Enstemmig vedtatt.
4. Styret får fullmakt til å fullføra landområdet og planera ut tomta for hamnebygget i 2010 innanfor ein kostnad på kr 1.250.000,- og  under føresetnad av nødvendig finansiering. -Enstemmig vedtatt.
5. Under føresetnad av fullfinansiering, får styret fullmakt til å førebu oppstart av hamnebygget slik at bygginga kan byrja så snart årsmøtet har gjort vedtak om bygging. - Vedtatt mot 1 stemme.
6. Avstemning over alle ovennevnte punkt samlet. - Vedtatt mot 1 stemme.