Laget sitt namn er Jondal båthamn. Laget har til føremål å samla båtinteresserte til å byggja ut flytebryggjer og andre aktuelle anlegg, og vidare stå føre drifta og administrera anlegget.

Laget vert leia av eit styre på 5 faste medlemmer.

I høve likt røystetal, avgjer leiar med dobbelstemme.

Styre er vedtaksført når minst 3 medlemmer er til stades, derimellom enten  leiar eller nestleiar.

Årsmøtet er laget sitt øvste organ, og bør haldast før 1. april. Innkalling med oppslag i Jondal sentrum og e-post med 6 vekers varsel. Saker til handsaming må styret ha 4 veker før årsmøtet. Saklista skal sendast ut 2 veker før årsmøtet.

Årsmøtet skal handsama:

a.      Innkallinga

b.      Referat frå førre årsmøte.

c.      Årsmelding.

d.      Revidert rekneskap med revisorane sine  merknader.        

e.      Val av  leiar for 1 år.

f.       Val av styremedlemmer for 2 år

g.      Val av to varamedlemmer for 1 år

h.      Val av  revisorar for 1 år

i.       Val av valkomite med 3 medlemmer for 1 år. Styret kjem med forslag.

j.       Fastsetjing av innskot og årsavgift

k.      Eventuelt innkomne forslag.

Eit kvart lovleg samankalt årsmøte er vedtaksført når minst 10 % medlemmer er frammøtte. Eit eventuelt ekstraordinært årsmøte, som er samankalt som fylje av manglande frammøte til det ordinære årsmøtet, er vedtaksført uansett kor mange som møter. Det skal førast møtebok for kvart møte.

Alle endringar i laget sine lover krev minst 2\3 fleirtal ved avrøysting på eit årsmøte. Framlegget til lovendring må fylgja skrifteleg innkalling til årsmøtet.

Styret avgjerd søknad om medlemmsskap. Når fastsett pris og årsavgift er betalt av søkjar \ medlem. Plassar vert tildelt etter dato på motteken søknad.

Medlemmer vert eigar av tildelt plass, og kan selja \ overdraga plassen sin etter reglar i § 9.

Medlemmer som ikkje fylgjer vedtektene eller bryt lover, eller på annan måte ikkje er kollegiale , kan ekskluderast på årsmøtet med 2\3 dels fleirtal. Styret har suspensjonsrett til årsmøtet vert halde. Styret pliktar å varsla vedkommande før årsmøtet

Sal, overdraging og byte av båtplass vert formidla av styret.  Når ein plass vert ledig for sal, skal den fyrst tilbydast eigarar av eksisterande plassar som ynskjer å byta plass.  Deretter vert plassen tilbode dei som står på venteliste etter ansiennitet.  Lista gjev kjøpsrett, men ikkje kjøpsplikt.  Meterprisen ved sal av plass er kr 22.000,-.  Prisen skal indeksregulerast med SSB sin konsumprisindeks med utgangspunkt 01.01.2010 fram til næraste kjente indeks ved sal.  Styret har ikkje ansvar for oppgjer mellom partane.  Evt. skuldig årsavgift eller anna skal vera oppgjort før ny eigar kan ta plassen i bruk.

Overdraging innan den nærmaste familie må meldast til styret.

Framleige av båtplass må meldast til styret.  Ledige båtplassar kan leigast ut når styret godkjenner det for 1 år om gongen.

Dersom laget skal løysast opp, kan dette gjerast med 2\3 dels fleirtal av årsmøtet og minst 1\2 parten av medlemmene må vera til stades. Eventuell restverdi vert fordelt på eigarane i høve bryggjemeter ved oppløysinga.